Sunday, December 5, 2021

CM Jagan : కుటుంబానికి రూ.5లక్షలు, వరద పరిహారం ప్రకటించిన సీఎం జగన్ | CM Jagan Announce Compensation For Flood Victims


వరదల కారణంగా మృతి చెందిన ఒక్కో బాధిత కుటుంబానికి రూ.5లక్షలు ఇవ్వాలని అధికారులను ఆదేశించారు. ఇక ముంపునకు గురైన ప్రాంతాల్లో ప్రతి కుటుంబానికి తక్షణ సాయంగా రూ.2వేలు అందించాలన్నారు.

CM Jagan : భారీ వర్షాలు ఏపీలో బీభత్సం సృష్టించాయి. కనీవిని ఎరుగని రీతిలో కురుస్తున్న వర్షాలు రాష్ట్రాన్ని అతలాకుతలం చేశాయి. పలు జిల్లాల్లో పరిస్థితి దారుణంగా ఉంది. ఎటుచూసినా నీరే కనిపిస్తోంది. వరదల ధాటికి ఎంతోమంది నిరాశ్రయులయ్యారు. పలువురు ప్రాణాలు కోల్పోయారు.

భారీ వర్షాల నేపథ్యంలో ఐదు జిల్లాల కలెక్టర్లతో వీడియో కాన్ఫరెన్స్ నిర్వహించారు సీఎం జగన్. ప్రకాశం, నెల్లూరు, చిత్తూరు, అనంతపురం, కడప జిల్లాల కలెక్టర్లతో మాట్లాడారు. ఈ క్రమంలో సీఎం జగన్ వరద పరిహారం ప్రకటించారు. వరదల కారణంగా మృతి చెందిన ఒక్కో బాధిత కుటుంబానికి రూ.5లక్షలు ఇవ్వాలని అధికారులను ఆదేశించారు. ఇక ముంపునకు గురైన ప్రాంతాల్లో ప్రతి కుటుంబానికి తక్షణ సాయంగా రూ.2వేలు అందించాలన్నారు. వీలైనంత త్వరగా ఈ పరిహాం బాధితులకు అందేలా చూడాలన్నారు జగన్.

Chandrababu: శపథాలు చేశారు.. సీఎంలు అయ్యారు.. జయలలిత, జగన్ తర్వాతెవరు..?

మరోవైపు వర్షా కాల వ్యాధులు ప్రబలకుండా చర్యలు తీసుకోవాలని అధికారులకు సూచించారు జగన్. రాష్ట్రంలో వరదల గురించి ఆయన అధికారులతో మాట్లాడారు. ఇక వరద సహాయక చర్యలను పర్యవేక్షించడానికి మూడు జిల్లాలకు ప్రత్యేక అధికారులను నియమించారు సీఎం జగన్. నెల్లూరు, చిత్తూరు, కడప జిల్లాలకు ప్రత్యేక అధికారులను నియమించారు. వీరు జిల్లాలో నెలకొన్న పరిస్థితిని ఎప్పటికప్పుడు సీఎం జగన్ కు నివేదిస్తారు.

Chandrababu Naidu : భోరున విలపించిన చంద్రబాబు

వరద ముంపు ప్రాంతాల్లో ప్రతి కుటుంబానికి రూ.2వేలు ఇవ్వాలని సీఎం జగన్ ఆదేశించారు. బాధితులు ఇళ్లను శుభ్రం చేసుకోవడానికి ఈ డబ్బు ఉపయోగపడుతుందని తెలిపారు. బాధితులకు నాణ్యమైన సేవలు అందించాలని.. మంచి భోజనం, తాగు నీరు అందించాలని జగన్ చెప్పారు.

Related Articles

- Advertisement -

Latest Articles