Wednesday, December 1, 2021

Horoscope Today: ఆ రాశుల వారికి అనుకూల పరిస్థితులు.. సోమవారం రాశిఫలాలు..


Horoscope Today

Today Horoscope: ముందు వెనుక ఆలోచించకుండా తీసుకునే నిర్ణయాలతో చాలాసార్లు ఇబ్బందుల్లో పడుతుంటాం. అందుకే కొత్త పనులను మొదలు పెట్టాలన్నా, శుభకార్యాలు నిర్వహించాలన్నా.. జాతకాలు, రాశిఫలాలను అనుసరించేవారు చాలామంది ఉన్నారు. కావున సోమవారం (నవంబర్ 22న ) రాశి ఫలాలు ఎలా ఉన్నాయో.. ఓసారి తెలుసుకుందాం..

మేషం: ఈ రాశి వారికి ఈ రోజు శుభకాలం. ఒక శుభవార్త మానసిక ప్రశాంతతను కలిగిస్తుంది. కీలక వ్యవహారంలో అనుసరించిన పనితీరును పలువురు మెచ్చుకుంటారు. బంధువులు, సన్నిహితుల నుంచి సహకారం లభిస్తుంది.

వృషభం: ఈ రాశి వారు కీలక సమస్యలను అధిగమిస్తారు. భవిష్యత్తుని దృష్టిలో ఉంచుకొని ముందుకు సాగాలి. పనుల్లో తోటి వారిని ప్రాధాన్యం ఇస్తే త్వరగా పూర్తవుతాయి. ఖర్చులు కూడా పెరుగుతాయి.

మిథునం: ఈ రాశి వారు చేపట్టిన పనుల్లో పురోగతి కనిపిస్తుంది. కుటుంబసభ్యులు, బంధుమిత్రులను ఆదరిస్తారు. ఒక ముఖ్యమైన పనిని ఆచరణలో పెడతారు. ఆర్థిక మార్గాలు పెరుగుతాయి.

కర్కాటకం: ఈ రాశి వారికి మిశ్రమకాలం. చేపట్టిన పనుల్లో ఒత్తిడి పెరగకుండా ముందుకు సాగితే ఫలితం ఉంటుంది. కీలక వ్యవహారాల్లో ఆశించిన ఆర్థిక సహాయం అందుతుంది. మాట పట్టింపులకు దూరంగా ఉండాలి.

సింహం: ఈ రాశి వారికి అనుకూల కాలం. ఒక శుభవార్త మనోవిశ్వాసాన్ని పెంచుతుంది. అవసరానికి తగిన సాయం అందుతుంది. ప్రయాణాల్లో జాగ్రత్త వహించాలి.

కన్య: ఈ రోజు మంచి ఆలోచనలతో ముందుకు సాగితే ఫలితం ఉంటుంది. ఒక కీలక సమస్యకు పరిష్కారం లభిస్తుంది. కుటుంబంలో చిన్నపాటి సమస్యలు తలెత్తుతాయి. కుటుంబసభ్యులతో జాగ్రత్తగా వ్యవహరించాలి.

తుల: ఒక కీలక పనిని ఈ రోజు ఎట్టకేలకు పూర్తిచేస్తారు. కొన్ని సంఘటనలు నిరుత్సాహపరిచినప్పటికీ.. మనోధైర్యంతో ముందుకు సాగాలి. బంధుమిత్రులతో జాగ్రత్తగా వ్యవహరించాలి.

వృశ్చికం: ఈ రాశి వారు చేపట్టిన పనుల్లో శ్రమ పెరగకుండా చూసుకోవాలి. ఆశించిన ఫలితాలు కనిపించకపోయినా.. మానసిక ప్రశాంతత ఉంటుంది. వృథా ప్రయాణాలు చేయాల్సి వస్తుంది. కుటుంబ సభ్యులతో విషయాలను పంచుకుంటే మంచిది.

ధనుస్సు: ఈ రాశి వారు శుభవార్త వింటారు. పనితీరుకు అందరి నుంచి ప్రశంసలు లభిస్తాయి. కుటుంబసభ్యులు, సన్నిహితుల నుంచి సహకారం లభిస్తుంది. ఆరోగ్య, ఆర్థిక విషయాల్లో జాగ్రత్తలు తీసుకోవాలి.

మకరం: ఈ రాశి వారికి అనుకూల పరిస్థితులు ఉన్నాయి. ధైర్యంతో ముందడుగు వేస్తే శుభ ఫలితాలు కలుగుతాయి. బంధుమిత్రులు, సన్నిహితులతో శుభకార్యాల్లో పాల్గొంటారు. ప్రయాణాల్లో జాగ్రత్తగా ఉండాలి.

కుంభం: ఈ రాశి వారు చేపట్టిన పనుల్లో శ్రమ పెరిగినప్పటికీ.. ఆశించిన ఫలితాలు ఉంటాయి. కుటుంబ సభ్యులు, సన్నిహితుల సహకారంతో ముందుకు సాగితే పనులు సకాలంలో పూర్తవుతాయి. బంధుమిత్రులతో విభేదాలు రాకుండా చూసుకోవాలి.

మీనం: ఈ రాశి వారికి అనుకూల పరిస్థితులున్నాయి. భవిష్యత్తు ప్రణాళికలపై దృష్టిసారిస్తారు. అవసరానికి ధనం చేతికి అందుతుంది. కుటుంబసభ్యులు సన్నిహితులతో ఆనందంగా గడుపుతారు. విందు వినోదాల్లో పాల్గొంటారు.

Also Read:

Viral Video: స్వచ్ఛమైన ప్రేమంటే ఇదే.. తల్లి కోతిని ముద్దాడిన పిల్ల కోతి.. ఎందుకో తెలుసా..?

Mortuary Freezer: చనిపోయాడనుకొని మార్చురీ ఫ్రీజర్‌లో పెట్టారు.. 7 గంటల తర్వాత చూస్తే సీన్‌ రివర్స్‌..

Related Articles

- Advertisement -

Latest Articles