Monday, December 6, 2021

Kondapalli Municipal : నేడే కొండపల్లి మున్సిపల్ ఛైర్మన్ ఎన్నిక | Election of Kondapalli Municipal Chairman today


ఏపీలో కాకరేపుతున్న కొండపల్లి మున్సిపల్‌ చైర్మన్‌ ఎన్నికకు ఇవాళ ఎండ్ కార్డ్ పడనుంది. కొండపల్లి పాలిటిక్స్‌కు ఫుల్‌స్టాప్‌ పెట్టాల్సిందేనంటూ హైకోర్టు అల్టిమేటం జారీ చేసింది.

Kondapalli Municipal Election : ఏపీలో కాకరేపుతున్న కొండపల్లి మున్సిపల్‌ చైర్మన్‌ ఎన్నికకు ఇవాళ ఎండ్ కార్డ్ పడనుంది. కొండపల్లి పాలిటిక్స్‌కు ఫుల్‌స్టాప్‌ పెట్టాల్సిందేనంటూ హైకోర్టు అల్టిమేటం జారీ చేసింది. కొండపల్లి మున్సిపల్ చైర్మన్‌ ఎన్నికను ఇవాళ నిర్వహించాలంటూ  హైకోర్టు అధికారులను ఆదేశించింది. పోలీస్‌ బందోబస్తు మధ్య ఎన్నిక జరపాలని సూచించారు. అసలు ఈ ఎన్నికను ఎందుకు నిర్వహించలేదంటూ కొండపల్లి మున్సిపల్ కమిషనర్‌, రిటర్నింగ్ అధికారిపై తీవ్ర ఆగ్రహం వ్యక్తం చేసింది. వైసీపీ నేతలు కౌన్సిల్ హాల్ లో దౌర్జన్యానికి దిగారంటూ పిటిషనర్ల తరపు న్యాయవాదులు హైకోర్టుకు తెలిపారు.

మరోవైపు ఎంపీ కేశినేని ఎక్స్‌ ఆఫిషియో ఓటు హక్కుపై కూడా ఏపీ హైకోర్టు కీలక ఆదేశాలు జారీ చేసింది.. కేశినేని నాని ఓటు వేసుకోవచ్చని వెల్లడించింది. అయితే ఆ ఓటు పరిగణనలోకి తీసుకోవాలా.. వద్దా.. అన్నది మాత్రం తాము నిర్ణయిస్తామంది.. అప్పటి వరకు ఫలితాలు మాత్రం విడుదల చేయవద్దని రిటర్నింగ్‌ ఆఫీసర్‌ను ఆదేశించింది హైకోర్టు. విచారణను రేపటికి వాయిదా వేసింది.

AP Assembly : కులాల వారీగా బీసీ జనగణన చేపట్టాలని ఏపీ అసెంబ్లీ తీర్మానం

దీంతో ఇవాళ మున్సిపల్‌ చైర్మన్‌ ఎన్నిక జరగనుంది. అయితే సజావుగా ఎన్నిక జరుగుతుందా లేదా అనే దానిపై ఉత్కంఠ నెలకొంది. గతంలో ఎప్పుడు ఇలాంటి పరిస్థితి తలెత్తలేదని విజయవాడ ఎంపీ కేశినేని నాని అన్నారు. ఇవాళ ఎన్నిక సజావుగా జరిగేలా పోలీసులు చూడాలని కోరారు.

Related Articles

- Advertisement -

Latest Articles