Friday, December 3, 2021

గంభీర్‌కు మరో బెదిరింపు… ఎక్కడి నుంచి వచ్చిందో కనిపెట్టిన పోలీసులు


టీమిండియా మాజీ క్రికెటర్, బీజేపీ ఎంపీ గౌతమ్ గంభీర్‌కు వరుసగా బెదిరింపులు వస్తున్నాయి. బుధవారం రోజు ఐఎస్ఐఎస్ కాశ్మీర్ పేరుతో ఓ బెదిరింపు ఈమెయిల్ రాగా.. గురువారం కూడా ఓ ఈమెయిల్ వచ్చిందని పోలీసులకు ఫిర్యాదు అందింది. తాజాగా వచ్చిన బెదిరింపులో ‘నిన్ను చంపాలనుకుంటున్నాం… నిన్న బతికిపోయావ్.. బతుకు మీద ఆశ ఉంటే రాజకీయాలను, కాశ్మీర్ అంశాన్ని వదిలేయ్’ అంటూ ఈ మెయిల్‌లో ఉందని గంభీర్ పోలీసులకు ఫిర్యాదు చేశాడు.

Read Also: వైద్యం ఖర్చు రూ.వెయ్యి దాటితే… ఆరోగ్యశ్రీ వర్తింపు

అయితే గంభీర్‌కు వస్తున్న ఈ మెయిళ్లు ఎక్కడి నుంచి వస్తున్నాయో పోలీసులు నిఘా వేశారు. ఈ అంశంపై విస్తృతంగా విచారణ చేపట్టారు. ఎట్టకేలకు సదరు బెదిరింపులు ఎక్కడి నుంచి స్తున్నాయో పోలీసులు కనిపెట్టేశారు. ఒక ఈ మెయిల్ ఐఎస్ఐఎస్ కాశ్మీర్ నుంచి రాగా మరో ఈ మెయిల్ పాకిస్థాన్ నుంచి వచ్చినట్లు పోలీసులు గుర్తించారు. కరాచీలోని సింధ్ యూనివర్సిటీ నుంచి మెయిల్ వచ్చినట్లు ఢిల్లీ పోలీసుల విచారణలో స్పష్టమైంది. షాహీద్ హమీద్ అనే యువకుడు గంభీర్‌కు ఈమెయిల్ పంపినట్లు పోలీసులు వెల్లడించారు. కాగా వరుస బెదిరింపుల నేపథ్యంలో ఢిల్లీలోని గంభీర్ ఇంటి వద్ద భారీగా పోలీసుల భద్రత ఏర్పాటు చేశారు.

Related Articles

- Advertisement -

Latest Articles