Friday, December 3, 2021

పెళ్లి చేసుకున్న ఐపీఎల్ స్టార్ క్రికెటర్


ఐపీఎల్‌లో రాజస్థాన్ రాయల్స్ టీమ్ తరఫున ఆకట్టుకున్న దేశవాళీ క్రికెటర్లలో రాహుల్ తెవాటియా ఒకడు. 1993లో మే 20న హర్యానాలో జన్మించిన రాహుల్ తెవాటియా క్రికెట్‌లో బౌలింగ్ ఆల్‌రౌండర్‌గా ఎదిగాడు. ముఖ్యంగా గత ఏడాది జరిగిన ఐపీఎల్‌ టోర్నమెంట్‌లో పంజాబ్‌పై రాహుల్ తెవాటియా ఆడిన ఇన్నింగ్స్‌ను క్రీడాభిమానులు ఎవరూ మరిచిపోలేరు. రాజస్థాన్ ఓడిపోతుందని అందరూ భావించిన తరుణంలో అనూహ్యంగా ఐదు బంతుల్లో ఐదు సిక్సర్లు కొట్టి గెలిపించిన ఆటగాడు రాహుల్ తెవాటియా.

Read Also: ఫుట్‌బాల్ స్టార్ ప్లేయర్ మెస్సీ అరుదైన రికార్డు

తాజాగా రాహుల్ తెవాటియా ఓ ఇంటివాడయ్యాడు. ఢిల్లీకి చెందిన రిది పన్ను అనే అమ్మాయిని అతడు వివాహం చేసుకున్నాడు. ఈ ఏడాది ఫిబ్రవరిలో ఈ జంటకు నిశ్చితార్థం జరగ్గా… సోమవారం వీరి పెళ్లి ఘనంగా జరిగింది. ఈ వేడుకకు టీమిండియా క్రికెటర్లు రిషబ్ పంత్, చాహల్, కోల్‌కతా నైట్‌రైడర్స్ ఆటగాడు నితీష్ రానా హాజరై వధూవరులను ఆశీర్వదించారు. ప్రస్తుతం రాహుల్ తెవాటియా తన పెళ్లి ఫొటోలను సోషల్ మీడియాలో పోస్ట్ చేయగా.. అవి వైరల్ అవుతున్నాయి.

Related Articles

- Advertisement -

Latest Articles